Home page *** Indietro *** E-mail

Instituzions gleseastichis e societât tal Friûl patriarcjâl Il volum "Le Note di Guglielmo da Cividale (1314-1323)" al è il V titul de golane "Fonts pe storie de Glesie in Friûl", butât fûr dal Institût furlan "Pio Paschini" pe storie de Glesie (www.istitutopiopaschini.it - ipp@qnet.it). Linstituzion sientifiche, che cjape dentri studiâts des 3 Glesiis furlanis di Concuardie-Pordenon, di Gurize e di Udin, e propon ancje studis su la storie gleseastiche e publicazions par furlan. Par cure dal "Paschini" a son saltâts fûr lultime edizion de Biblie, voltade di pre Antoni Beline, e il "Lezionari pes domeniis e pes fiestis", fat bon de Congregazion vaticane pal cult. Il curadôr dal volum chal propon la stampe des "Notae Guillelmi" (manuscrit dal XIV secul tignût cont te Biblioteche "Joppi" di Udin) al è Luca Gianni, indotorât a Padue in Storie de Ete di mieç. Il protagonist dal libri, Vielm di Cividât, al à stât cjaluni e arcidiacul di Cividât e preposit tes glesiis di Concuardie e di Sant Pieri di Cjargne. Insom de Ete di Mieç, i nodârs a cjapin un puest speciâl te azion documentarie. La centralitât gnove dal intarvent dal nodâr e transforme ancje la tradizion e il mût di tignî cont dai archîfs. Dongje de pergamene, cul test integrâl dal document, in cheste ete o tachìn a cjatâ cul stes valôr juridic, il "protocollum", tant a dî il regjistri dulà che il nodâr al cjape note dai dâts di ogni at, prime di butâ jù la version definitive. Pal studiôs di storie, il protocol al risulte une risultive inesauribil dinformazions. In gracie de grande cuantitât di autôrs e di formis di contrat chal presente, al ufris la possibilitât di ricontruî il cuadri complessîf des relazions cha animavin la vite de citât o de zone indulà che i ats a son stâts prontâts. Intes "Note" di Vielm di Cividât, te stesse maniere cha comparissin te plui part dai regjistris di nodâr, a son presints documents cha tratin tant afârs di derit privât (venditis, mutuis, nivei, afits, division di bens familiârs, tescj) che afârs di derti public (infeudazions, trivis, pâs, arbitrâts). Ma ce chal marche chest "protocollum" al è il fat che Vielm nol fâs di nodâr a timp plen. Prin di dut lui al è un predi, impegnât te cariere gleseastiche, chal parecje dai ats dome par un piçul grop di personis, leadis in formis disferentis cu lis plui impuartantis instituzions gleseastichis furlanis. Par vie di cheste carataristiche, i ats di nodâr cjapâts dentri tes "Note", ancje se no permetin di gjavâ fûr un cuadri complet di une situazion sociâl e economiche particulâr, cemût chal sucêt tal câs di altris nodârs de sô ete, a son essenziâi par riconstruî la rêt di relazions che leave a strent lis instituzions gleseastichis de Patrie. Par un esempli, i passe 400 documents butâts jù jenfri 1314 e 1323 no zovin par stabilî larticulazion dal credit a Cividât o il moviment de propietât fondiarie te Glesie di Concuardie, ma ben a pandin cetant su la vite dai cjalunis e sui lôr interès. Dal moment chal è ancje lui un component dal clericât, Vielm sul so regjistri al proferìs prin di dut la realtât dai cjapitui furlans, dulà che ancje lui al gjoldè dai beneficis, tant colaborazion sevi ch’al fos conflituâl. Luca Gianni Fonte: "La Patrie dal Friûl", V (2001).